Concentración en conmemoración del 25 de mayu de 1808

25 de mayu de 2013 DE 2013 • Glayiu

Cerca d’un centenar de persones convocaes pola esquierda soberanista concentróse güei a la una del mediudía delantre de la Xunta Xeneral del Principáu pa remembrar de manera conxunta los fechos del 25 de mayu de 1808. Esi día nel el parlamentu asturianu proclamó la so soberanía pa lluchar contra la invasión francesa.

JPEG - 205.8 KB

Baxu’l lema "Asturies Resiste, Enxamás Vencida", güei sábadu 25 de Mayu, cerca d’un centenar de persones concentrose delantre la Xunta Xeneral n’un actu políticu entamao de manera conxunta por Compromisu por Asturies, Conceyu Abiertu y Darréu pa conmemorar los 205 años de la proclamación de soberanía de la Xunta Xeneral d’Asturies, que llevó a la organización d’un exércitu asturianu propiu y al unvíu d’embaxadores a Inglaterra pa pidir sofitu na llucha contra l’exércitu francés invasor. Amás supunxo la creación de la bandera d’Asturies, diseñada por Xovellanos similar a l’actual, que llevaba la cruz de la victoria y el lema "Asturies xamás vencida".

Finaron la concentración falando los voceros Yolanda Huergo y Mariu Arbesú de Compromisu y de Conceyu Abiertu respectivamente, calificando’l 25 de mayu como símbolu de resistencia que salvando los distintos momentos históricos, constitúi un exemplu de rebeldía ante la inxusticia y un actu d’afirmación de la capacidá d’Asturies en ser dueña del so futuru. Nesti sentíu llamenten que’l 25 de mayu nun tenga nengún tipu de reconocencia institucional, yá que representa ún de los fechos más importantes de la hestoria asturiana.

Vidiu fechu polxs compañerxs de InfoAsturies:

DOCUMENTOS