Compromisu por Xixón exige a Delegación de Gobierno la máxima contundencia respecto a la agresión neonazi al UC Ciares

15 de ochobre de 2012 DE 2012 • Glayiu

Compromisu por Xixón amosó la so solidaridá pa col UC Ciares pola agresión que sufrió’l vicepresidente por un grupu de neonazis, y achacó l’agresión a la tolerancia colos grupos d’estrema derecha, racistes, fascistes y nazis n’El Molinón.

Daniel Fernández asegura que la tolerancia contra la estrema derecha n’El Molinón ta detrás d’esta agresión

Compromisu por Xixón amosó la so solidaridá pa col UC Ciares pola agresión que sufrió’l vicepresidente por un grupu de neonazis, y achacó l’agresión a la tolerancia colos grupos d’estrema derecha, racistes, fascistes y nazis n’El Molinón.

Daniel Fernández llamentó que “mentes a los mineros se-yos pide cuatro años de cárcele por defender los sos puestos de trabayu, les griesques de los radicales d’estrema derecha n’Asturies siempre salen de baldre” y treslladó al vicepresidente del UC Ciares “tola nuesa solidaridá y al club, que ta desendolcando un llabor social alredor del fútbol envidiable, y pol que nun podemos más que felicitalos”.

Compromisu por Xixón desixó al Delegáu de Gobiernu “la mesma firmeza contra los neonazis qu’escontra los trabayadores, magar que duldamos muncho de qu’eso vaya a ser asina” y recalcó que “la impunidá cola que se mueven los grupos de neonazis y fascistes per El Molinón namás ye posible gracies a la tolerancia permisiva de les autoridaes y nesti casu, de Gabino de Lorenzo”.

Dende Compromisu por Xixón recordaron que “yá’l Bloque por Asturies, actualmente inxertu na coalición, denunciare en 2007 la venta de material neonazi nos baxos d’El Molinón”, poro, que “nadie tenga la desfachatez política de dicir qu’esto nun yera previsible” concluyó’l voceru de Xixón.