Cientos de persones autoincúlpense pol CSOA La Madreña

12 de avientu de 2013 DE 2013 • Glayiu

Güei un grupu de persones presentó nes dependencies de l’Audiencia Provincial d’Asturies el testimoniu de cientos de persones a favor del centru social ocupao y autoxestionao, que recuperó l’antigua Conseyería de Salú d’Uviéu. Formalmente presentaronse 350 autoinculpaciones qu’aseguren participar n’actividaes sociales realizaes nesti edificiu.

Dende que se dio a conocer la imputación de cinco persones pola so participación na ocupación de l’antigua Conseyería de Sanidá, son munches les amueses de solidaridá y sofitu que se vienen desendolcando tanto dende la izquierda asturiana, como dende’l propiu Ayuntamientu d’Uviéu, qu’aprobó una moción de sofitu.