Tamos viviendo un tiempu convulsu nel estremáu micromundiu del nacionalismu, independentimu, asturianismu o cualesquier de les “ismovariedaes” agospiaes en minipartios enfrentaos ente sigo.

La salida del Bloque por Asturies del Gobiernu pocos meses enantes de les elleicciones despierta distintes postures; tan los que consideren esta salida como un movimientu estratéxicu p’abasnar parte del movimientu nacional faía les files, de la ca díi más frayada IU, que siempres naguo por un frente “bablista”, otros más optimistes venlo como’l revulsivo que faía falta pa da-y impulsu a un procesu de xuntanza, demanda hestórica de gran parte del ellectoráu "asturianista” y que nos caberos tiempos cobró nuevo puxu gracies al llabor del coleutivu “Pola xuntanza”.

Nun mos engañemos, la xunión de toos ye güei más pernecesaria que nunca, ye una cuestión táutica y pragmática, síamos por una vegada arrogantes en beneficiu d’esti país, ye la única manera de garantizar presencia institucional que mos defenda, que mos faiga visibles, la necesidá ye imperiosa; nun escenariu social nel que la esaltación del españolismu ta en puxanza tres el llogru deportivu de la SO seleición, nun escenariu políticu nel que fuercies abiertamente antiasturianes como UPyD o nueves y duldoses candidatures como IDEAS tienen seríes posibilidaes d’entrar na Xunta.

Y cuando falo de todos refiérome a TODOS; dende’l PAS-URAS, llegando a la UNA, pasando pola xente d’Andecha y pol Bloque, cuntándo coles muerganizaciones d’estremaos ámbitos como Xuristes, FAI! o SOFITU, lo cual amás de favorecer la entrada casi segura d’una fuerza nacional que vele polos intereses del país na Xunta, tamién garantizaría que nun se diera un supuestu procesu “quintacolumnista”.

Naguamos pa que s’impongan la cordura y la necesidá de faer país penriba de personalismos, omblegismos y reñedielles; y que d’una vegada, los partíos políticos nacionales dean a los ASTURIAN*S, al so electoráu lo que-yos demanda, que sían una opción real y con opción de representa-yos.