Campaña de recoyida de material escolar nel Nalón

El CS La Semiente entama la segunda vuelta d’esta iniciativa solidaria

9 de setiembre de 2013 DE 2013 • Glayiu

Cola idea d’ayudar a les families de la cuenca a superar la “vuelta a la escuela” qu’entra, el CSA La Semiente pon en marcha per segundu añu consecutivu la campaña de recoyida de material escolar (llibretes, bolígrafos, llapiceros..) y llibros de primaria y de la E.S.O. correspondientes al cursu 2012- 2013.

Aquelles persones que deseyen donar los llibros del cursu pasáu de los sos fíos, van poder faelo nel local de “LA SEMIENTE”, o llamando al teléfonu 696- 20- 90-16 por que pasemos a recoyelos. La campaña va desenvolvese mientres los díes de 2 y19d’esti més y van poder apurrise nel Centru Social La Semiente, asitiáu en C/ ELADIO GARCÍA JOVE Nº 6 de L’ENTREGU, de 17:00h a 19:00h. Estos llibros y el material escolar, van quedar a disposición de les families que los precisen nel mesmu local de l’asociación, onde les persones interesaes pueden pasar a escoyer los que sirvan pal cursu qu’empieza (2013- 2014) a partir del dia 10 de setiembre hasta’l 19.

L’añu pasáu fueron munches les families que participaron tantu na donación de material escolar y llibros como na demanda de éllo. Ye por eso qu’anque l’añu pasáu la campaña cinxíase al conceyu de Samartín del Rei Aurelio, participaron families del restu de conceyos de La Cuenca; lo que motivó a La Semiente a ampliar xeográficamente la campaña. La nuesa iniciativa ye complementaría a otres yá esistentes en dellos centros escolares ya institutos, asi como d’otres asociaciones, como ye’l casu de Les Filanderes qu’en collaboración col conceyu de Llangréu tien en marcha una campaña d’intercambiu de llibros.

Un aspeutu importante de la campaña ye qu’amás de menguar la carga ecónomica de les families mas afectaes pola crisis y los retayos a los que nos someten, foméntase la solidaridá y la collaboración vecinaldesinteresada. Valores bien necesarios nestos momentos difíciles, y que tendríade ser un gran potencial a la de construyir un modelu de sociedá más participativu, horizontal, igualitariu y solidariu, escontra d’estos momentos de apatia, individualismu y pasividá teledirixida que nos torga pa poder
avanzar.