Bloque Anticapitalista na manifestación de los sindicatos mayoritarios

13 de payares de 2012 DE 2012 • Glayiu

Amás de la manifestación de la izquierda sindical que percorrerá Xixón de magar les 12:00, los sindicatos mayoritarios faen otra pela tarde n’Uviéu, con salida a les 18:00 de la Plaza d’América. Sicasí, nesi manifestamientu habrá presencia de seutores críticos que se fadrán ver, como ye’l casu del anunciáu "Bloque Anticapitalista", que va a asitiase a la cola del manifestamientu cola so propia pancarta.

La manifestación que los sindicatos mayoritarios convoquen mañana pela tarde n’Uviéu cuntará cola presencia d’un bloque críticu.

Amás de la manifestación de los sindicatos alternativos que percorrerá Xixón de magar les 12:00, los sindicatos mayoritarios desendolquen la so propia manifestación pela tarde n’Uviéu, con salida a les 18:00 de la Plaza d’América. Sicasí, nesi manifestamientu habrá presencia de seutores críticos que se fadrán ver, como ye’l casu del anunciáu "Bloque Anticapitalista", que va a asitiase a la cola del manifestamientu cola so propia pancarta.

Coleutivos como’l 15M uvieín, o’l CSOA La Madreña sofiten esta aniciativa, y convoquen a tola xente que participe a asitiase de magar les 17:30 detrás de la pancarta que rezará "Bloque Anticapitalista" na zona de la Plaza d’América, onde entama’l que se supón como actu más multitudinariu d’una xornada de movilización y llucha en tol país.

Otres organizaciones como Compromisu por Asturies tamién anunciaron la so intención de tar presentes nel manifestamientu llideráu polos sindicatos institucionales CC.OO, UGT y USO.

Velo en llínia : Visto en Infoasturies