Axenda Mazucu: Axenda común de colectivos y centros sociales d´Asturies

9 de payares de 2013 DE 2013 • Glayiu

Dende’l coleutivu Glayiu sofitamos esta nueva iniciativa, y aprovechamos pa actualizar nuesa web que va pasar a mostras le convocatories que se espublizen n’esti proyeutu hermano, de camín retomamos el pulsu del nuesu proyeutu informativu que nos últimos tiempos teniamos daqué abandonao por asuntos llaborales.
La Axenda Mazucu naz pola gran cantidá d’actividaes que se realicen últimamente n’Asturies, dende diversos colectivos coinciden na conveniencia de crear un puntu común dende’l qu’espublizar tolos eventos qu’entamen.
La Axenda Mazucu funciona con una ferramienta de software llibre creada en 2007 pol colectivu francés Demosphere, en que’l so servidor ta agospiada l’axenda.

-¿Por qué surde esti proyectu?
Por cuenta de la gran cantidá d’actividaes que se realicen últimamente n’Asturies, dende diversos colectivos coincidimos na conveniencia de crear un puntu común dende’l qu’espublizar tolos eventos qu’entamamos.

-¿Por qué esti nome?
N’alcordanza y homenaxe de tods ls combatientes qu’en septiembre de 1937 llucharon de manera exemplar pa detener la meyora fascista na batalla de la sierra del Cuera, tamién conocida popularmente como la batalla del Mazucu, una y bones dalgunos de los combates más encarnizados tuvieron llugar nes cercaníes de dichu pueblo.

-¿Cómo funciona?
La Axenda Mazucu funciona con una ferramienta de software llibre creada en 2007 pol colectivu francés Demosphere, en que’l so servidor ta agospiada la nuesa axenda.
Demosphere surde en París pa la creación d’axendes alternatives locales y dende entós arrobinóse por distintes rexones d’Europa, cuntando na actualidá con más d’una ventena d’axendes distribuyíes per Francia, Bélxica, Grecia y España.
Per otra parte el dominiu http://axendamazucu.org/ ta rexistráu en nodo50
La xestión de la Axenda Mazucu cuerre al cargu de los distintos colectivos que participen nesti proyectu, que son los responsables d’espublizar les actividaes que realicen.

-¿Qué tipu d’actividaes espublícense?
Toles entamaes polos colectivu participantes, dende asamblees internes hasta actividaes de calter lúdicu, formativu, cultural, artísticu o políticu, siempres y cuando estes realícense de forma desinteresada, esto ye, ensin ánimu d’arriquecimientu.

-¿Qué colectivos participen nesti proyectu?
A día de güei, los siguientes:
Ateneu Llibertariu d´Uviéu, Biblioteca Subversiva Crimental , CSOA La Madreña, Fundación Andreu Nín d´Asturies , Grupu de Mediu Ambiente, Urbanismu y Barrios 15M Uviéu, La Manzorga , La Semiente, Local Cambalache, Llar Solidariu , Centru Social Sestaferia, Uviéu Antifa .

-¿Cómo participar na Axenda Mazucu?
Si formes parte d’un colectivu, afaéis a los criterios de publicación y queréis espublizar los vuesos eventos nesta axenda común, podéis ponevos en contactu con nós escribiéndonos a contactoaxendamazucu.org, va creásevos un usuariu y va enseñásevos el senciellu manexu d’esta ferramienta.
Tamién puedes escribinos si tienes dalguna dulda, crítica, suxerencia etc. Amás, estímase tou espardimientu que d’esti proyectu quieras faer.