Avilés y Xixón en pie

11 de marzu de 2013 DE 2013 • Glayiu

El sábadu CSI, CGT, Suatea y delles organizaciones sociales movilizáronse n’Avilés "contra’l paro, la corrupción, los recortes y la represión"; en Xixón UXT, CC.OO. y USO xunto con otros colectivos en llucha, caleyaron el domingu "contra’l paro y pola rexeneración democrática".

Unes mil persones acudieron a la convocatoria de la izquierda sindical y de diversos colectivos sociales asturianos "contra’l paro, la corrupción, los recortes y la represión". La marcha percorrió les cais del centru d’Avilés y fue scratchando diferentes oxetivos de denuncia, como oficines bancaries, les piscines públiques de la villa, con un procesu abiertu pola denuncia de los sos trabayadores o centros sanitarios públicos y privaos. Tampoco’l Niemeyer se llibró de la denuncia de los manifestantes, qu’escolingaron pancartes contra la corrupción dende lo alto l’auditoriu.
El prósimu sábadu día 23 ta convocada una nueva marcha en Xixón, col mesmu eslógan de "¡Asturies, ponte en pie!".

UGT, CC.OO. y USO en Xixón

Pela cueta, los sindicatos mayoritarios axuntaron en Xixón a unes 15.000 persones nuna manifestación "contra el paro y pola rexeneración democrática", dende la Plaza Toros hasta’l Paséu Begoña.
Pudieron vese pancartes de los prexubilaos de la minería, qu’agora enfréntese a un recorte nes sos pensiones, del PCE Asturies, de la Federacion de Pás y Más d’escolinos, de trabayadores de la Fábrica de Trubia, o la omnipresente Charanga Ventolín.