Alfon, l’únicu deteníu nel 14P que tovía nun foi puestu en llibertá [Madrid]

1u de avientu de 2012 DE 2012 • Glayiu

Alfon, un mozu vallekano de 21 años, foi deteníu na mañana del 14P a pocos metros de la so casa. Ye l’únicu deteníu por causa de los fechos de la Fuelga Xeneral que nun foi puestu en llibertá. Pa tratar de xustificar esti atropellu a la llibertá la "xusticia" remana absurdos motivos d’alarma social y riesgu de fuga.

JPEG - 194.6 KB

Na recién Fuelga Xeneral del 14 de payares, fueron deteníes solo en Vallecas 14 persones, una d’elles a fecha de güei, permanez en prisión preventiva, Alfonso.

Alfonso y Daira fueron reteníos na mañana del 14 P, cuando se dirixíen a participar como piquetes, y riquiéron-yos la documentación a escasos cien metros de la so casa, y a partir d’ende dio empiezu la velea.

Acusaos de tener nel so poder material pa cometer actos vandálicos treslládase-yos a la Comisaría de Moratalaz, onde se-yos dixebra y somete a intermitentes interrogatorios ensin la presencia del so abogáu. Pasaes 30 hores de velaes amenaces y presión psicolóxica pa induci-yos a declarar, faenlo cuando se dexa la presencia del so abogáu. Mientres esi tiempu cúrsense dos ordes de rexistru: pa la see de Bukaneros y pa les cases ónde viven los mozos coles sos families.

Rexistráu’l local de la peña de fútbol, xuntu colos arquivos de fiches de socios y pancartes, hai espráis y bengalas, material que prinda la policía. Y de les so viviendes lleven dambos móviles en dar en un rexistru domiciliariu.

Tres 72h reteníes, toles persones deteníes queden en llibertá con cargos, menos Alfonso, por espresu pidimientu del Ministeriu Fiscal y según l’autu de la xueza de guardia, ingresa en prisión esa mesma tarde por Alarma Social (figura que dende 2007 sume del códigu penal pa preventiva), siendo treslladáu nun furgón a la prisión del Sotu.

Ye un nuevu golpe institucional que’l so únicu oxetivu ye criminalizar la protesta social, por eso dende diverses asamblees, organizaciones, colectivos vecinales, sindicatos y partíos políticos tán amosando’l so sofitu y solidaridá a los sos familiares y amigos y esixen la puesta en llibertá, asina cómo’l derechu reconocíu a manifestar, participar y disentir sobre les imposiciones polítiques a les que los ciudadanos tán siendo empuestos polos poderes públicos.

Dalgunos de los comunicaos: Bukaneros, BAF Madrid, Red Roja, CGT, SAT, PCPE y CJC,

Entrevista fecha por TPK (Tou Pola Kausa) a Elena Ortega, madre d’Alfonso:

El pasáu sábadu 24 de noviembre, delles organizaciones y colectivos convocaron una manifestación poles cais de Vallecas, na qu’un millar de persones percorrieron el barriu madrilanu pa esixir la llibertá inmediata d’Alfonso y l’absolución ensin cargos de tolos deteníos na fuelga.

Video de la manifestación:

DOCUMENTOS