Alfon: "Ye clave tener a nivel estatal una organización qu’active la solidaridá ante situaciones como esta"

29 de xineru de 2013 DE 2013 • Glayiu

Entrevista a Alfon y a su madre from Cachucho News on Vimeo.

Alfonso Fernández, Alfon, ye un mozu de 21 años del madrileñu barriu de Vallecas. Na fuelga xeneral del 14P prindáronlu xunto a la so moza de la que salía de casa pa participar nos piquetes informativos. Una escura acusación de tenencia d’artefactu esplosivu lu llevó primero a comisaría y lluéu a prisión durante 56 díes.
Torgáron-y la llibertá condicional primero por "alarma social", hito xurídicu que nun ta recoyíu nel Códigu Penal, y depués por riesgu de fuga, anque ye más qu’evidente l’arraigu que tien nel so barriu.
El fin de selmana pasáu vino a Xixón xunto a la so combativa ma, Elena Ortega, pa desplicar el so casu a fondo, convidáu pola Plataforma contra la Represión y poles Llibertaes.
Falamos con calma d’en manes de quién tamos, de la llucha ente la peña fubolística Bukaneros y la delegada del gobiernu en Madrid, del réxime FIES, y de les necesaries ferramientes de solidaridá.