Alcordanza y homenaxe a los asturianos muertos pola llibertá en Larrabetzu

24 de xunu de 2013 DE 2013 • Glayiu

Según informen lxs compañerxs de boltxe.info, emoción, alcordanza, solidaridá ya internacionalismu nun faltó estos díes en Larrabetzu tres l’homenaxe popular que Ahaztuak entamó pa recordar a los milicianos de Asturies que cayeron nes cercaníes de la localidá bizkaitarra, más concretamente nel baserri Bolumburu.

Fai apenes un añu túvose conociento del asesinatu per parte de les tropes franquistes d’un grupu de milicianos asturianos que taben defendiendo’l pueblu de la barbarie facista. Paez ser que nel mesmu llugar de los crimenes fueron soterraos nun fueyu común.

El vienres ante una bona asistencia Julen Lezamiz, de l’asociación “Sancho de Beurko” ufrió una conferencia nel pueblu so’l titulu: “Sangre d’Ochobre: los batallones asturianos n’Euskadi 1936-37”.

Yá’l sábadu, nel conceyu de Larrabetzu declaróse como “ciudadanos de honor” a estos asturianos que dieron la so vida pola llibertá. Asina trás el soníu de les gaites y el aurresku d’honor, nun atarraquitáu conceyu procedióse al nomamientu. Dempués inauguróse un monolitu nel llugar onde reposen los milicianos y ufrióse un ramu de flores.

www.boltxe.info

DOCUMENTOS