Actos contra la Constitución Española de 1978

5 de avientu de 2012 DE 2012 • Glayiu

El xueves 6 d’avientu, tan convocáos dos actos contra la Constitución Española de 1978. El primeru y pela mañana ye na Plaza’l Requexu en Mieres del Camín, entamáu pola organización xuvenil soberanista Darréu, cola lleenda "Nin borbón, nin constitución: Llibertá p’Asturies". El segundu yá de tarde nel Paseu Begoña de Xixón, convocau pola Coordinadora Anticapitalista, baxo’l títulu Contra la normalidá democrática, contra la Constitución que nos destrúi, la llucha sigue”.

JPEG - 371.9 KB

El primera actu, entamao pola organización soberanista Darréu, ye un pasucais informativu, baxo’l llema "Nin borbón, nin constitución: Llibertá p’Asturies". Sedrá en Mieres del Camín y entamará a les 12.30 hores dende la Plaza de Requexu.

La organización independentista Darréu declara que con esti actu quieren tresmitir la postura de la mocedá asturianu soberanista al rodiu la Constitución de 1978 y caltienen que depués de tantos años ye agora cuando más n’evidencia ta la reforma franquista, y consideren que’l testu constitucional de 1978 nun ye más qu’un papel moyáu que-y valió al neofranquismu pa llavar la so cara y asina caltener el réxime de dominación social, entamando pola monarquía.
Y faen un llamamientu “al Pueblu Asturianu a decatase de la necesidá d’aniciar un procesu de tresformación social y nacional, onde tornar l’orde de la economia al serviciu de les persónes y onde Asturies seya reconocíu como tal y puea algamar los sos drechos nacionales y democráticos”.

JPEG - 334.4 KB

Per otru llau, yá de tarde y en Xixón, la Coordinadora Anticapitalista convoca una concentración en Begoña, baxo’l llema: “Contra la normalidá democrática, contra la Constitución que nos destrúi, la llucha sigue”.

La Coordinadora Anticapitalista que se define como “un grupu de persones de distinta procedencia, con vistes a entamar un polu de reagrupamientu de todxs aquellxs que quieren llanta-y cara al Estáu y al Capital”, fai un llamamientu “pa entamase fuera de los calces que nos impon l’estáu y lluchar pa destruyir el capitalismu. Yá que la única llibertá tanxible y concreta ye aquélla que los mercaderes impunxeron p’asegurar el so poder, la llibertá d’empresa, la llibre competencia, la llibertá d’esplotar a otru home, la llibertá d’unviar a prisión a tolos que la refuguen... la llibertá del capital.”

DOCUMENTOS