Abandonu del últimu permisu vixente Fracking n’Asturies

17 de avientu de 2013 DE 2013 • Glayiu

Dende la Plataforma Asturiana Anti-Fracking valoren bien positivamente esta noticia, que salió publicada nel BOPA de güei, pola que s’acepta l’arrenunciu del Permisu d’Investigación d’Hidrocarburos “Granda”, abandónase l’únicu permisu que taba vixente n’Asturies.

Esti permisu afectaba a dellos conceyos, pero especialmente al de Xixón, al tar tola so superficie incluyida nel mesmu.

Esto fai que los únicos permisos qu’amenacien Asturies sían los permisos CUÉLEBRE I ya II, permisu qu’entá nun fueron autorizaos y que, magar se desenvolveríen na rasa costera oriental, al incluyir na solicitú parte de la plataforma marina continental tán tramitaos pol Ministeriu d’Industria, Turismu y Comerciu.

Ante esta situación, la Plataforma Asturiana Anti-Fracking va siguir pidiendo a los Grupos municipales del conceyu de Xixón qu’ante los numberosos problemes que ta xenerando l’empléu d’esta técnica, y en prevención de que los mesmos puédanse presentar nesti conceyu, si esti permisu fora de nuevu solicitáu por nuevu promotores; como yá asocedió nel pasáu.

Dende la Plataforma anuncien que van siguir encamentando al Conseyu de Gobiernu d’Asturies a cumplir cola proposición non de llei, aprobada pol Plenu de la Xunta Xeneral sobre promoción d’una normativa responsable y coherente col principiu de precuru nes decisiones relatives a a la estracción de recursos y d’oposición a la estracción de gas por quebra hidráulica.

Dende la Plataforma Asturiana Anti-Fracking entienden que la llucha nun puede llindase a les zones afectaes, polo que seguirán diciendo que “Quebra Hidráulica non, nin equí, nin nenyures”