El 4u Festival CinegailesAST presenta la so programación



El 4u Festival de Cine Gai y Lésbicu d’Asturies – CinegailesAST 2009 presenta un añu más la so progamación con novedaes cinematográfiques del cine de temática LGT destinaes a tolos públicos. CinegailesAST celebraráse un añu más nel salón d’Actos del Antigu Institutu de Xixón del 6 al 8 d’agostu n’horarios de tarde. El Festival entama’l xueves 6 d’agostu a partir de les 6 cola proyección de los curtiumetraxes a concursu de la sección oficial d’esti añu. Presentastránse tamién realizaciones d’Hespaña, Bolivia, Alemaña y Noruega. El vienres proyectaránse los documentales Homo baby boom, d’Anna Boluda y Ensin xéneru de duldes, de Xavi Vilareyo, amás d’una avezada sección retrospectiva con una producción alemana y otra francesa subtitulada al asturianu. El sábadu 8 d’agostu será la clausura cola entrega de premios y la proyección del curtiu y película ganadores. Esti añu, el Premiu d’Honor ye pal realizador norteamericanu Gus Van Sant, director de películes comprometíes como “Harvey Milk”.

-----------------------------------------------------------------------

Programación CinegailesAST 2009:

-----------------------------------------------------------------------



XUEVES 6 D’AGOSTU





18 h: CURTIOS FINALISTES:- Gústame ser divina (Diego Torres)- K (Juan Simons)- La vocación (Xavi Vilareyo)- Pablo ¿pusisti la llavadora? (Javier Haba)- Salvemos el teatru (Xavi Vilareyo)



19,30 h: CinegailesAST presenta:- Habita conmigo (Noruega). Eva llega pa pintar l’altar de la ilesia y Sara va alcontrar un amor.



20 h: CinegailesAST presenta:- L’amor mata (Alemaña). Un mozu paez que nun sabe llevar mui bien la so vida afectiva.





VIENRES 7 D’AGOSTU





18 h: DOCUMENTALES CinegailesAST:- Homo baby boom (Anna Boluda). Vida cotidiana de families gais y lesbianes en Cataluña y Valencia.



18,30 h: DOCUMENTALESCinegailesAST:- Ensin xéneru de duldes (Xavi Vilareyo). Un testimoniu sobre la transexualidá n’Asturies.



19,30 h: CinegailesAST presenta:- Hollywood de casualidá (Francia). Una comedia d’un nenu al que confunden con una nena que llega a ser actriz.

20 h: Asesinaron a unu (Tor Iben, Alemaña). A Tom atáquenlu nel parque y namórase del so agresor.





SÁBADU 8 D’AGOSTU





19 h: ENTREGA DE PREMIOS DEL 4u FESTIVAL CinegailesAST 2009.Homenaxe a Gus Van Sant, Premiu d’Honor 2009.Proyección de trailers del Festival.Proyección del curtiumetraxe ganador.Proyección de la película ganadora. CinegailesAST 2009







4u FESTIVAL DE CINE GAI Y LÉSBICU D’ASTURIES





C.C. ANTIGU INSTITUTU



c/ Xovellanos 21. XIXÓN



Salón d’Actos



festivalcineastur@wanadoo.es







ENTRADA GRATUÍTA A TOLES SESIONES








--------------------------------------------------------------------------------





Gus Van Sant, Premiu d’Honor del



4u Festival de Cine Gai y Lésbicu d’Asturies






Gus Van Sant nació en Louisville (Kentucky, EEUU) en 1952. Foi ganándose al públicu y la crítica por igual a lo llargo los años dende la so irrupción na escena cola aclamada película "Mala Nueche" en 1985, que ganó’l Premiu Los Anxeles Film Critics Award a la meyor película independiente de 1987. Gus Van Sant tuvo nomináu al Oscar como meyor director por “El buenu de Will Hunting" en 1997, que recibió un total de 9 nominaciones, incluyendo meyor actor secundariu y meyor guión. Gus Van Sant continuó con un polémicu refechu del clásicu de Hitchcock "Psicósis", que foi una recreación toma por toma del orixinal. El nuevu mileniu traxo l’estrenu de la versión cinematográfica de la obra "Descubriendo a Forrester", con Sean Connery. Durante la so carrera Gus Van Sant continuó faciendo curtios que tamién tuvieron premiaos. Ente estos destaca’l so primer curtiu de 1982, l’adaptación del relatu de William S. Burroughs "The Discipline of DE", que s’exhibió nel festival de Nueva York. Nacíu Kentucky, Van Sant estudió na Rhode Island School of Design antes de marchar pa Hollywood. Al principiu la so carrera pasó dos años en Nueva York trabayando en publicidá. Más tarde establecióse en Portland (Oregón) ónde amás de dirixir y producir, dedicóse a la pintura, fotografía y escritura.En 1995 publicó una colección de fotografíes, "108 Portraits", y dos años depués "Pink", una sátira sobre’l mundu del cine. Amás dirixó videos pa munchos artistes, ente ellos David Bowie, Elton John y Red Hot Chili Peppers. Elefante, Últimos díes, París quiérote o Parque Paranoicu, son dalgunes de les sos últimes películes. Nel 2008 triunfa mundialmente cola so película “El mio nome ye Harvey Milk”, un biopic sobre la vida d’esti lluchador polos derechos de los homosexuales en San Francisco.