El filósofu asturianu Carlos X. Blanco presentará el so llibru caberu el prósimu sábadu 19 de xunetu, a les 21:30h na carpa de Radio Kras na Semana Negra de Xixón.

Carlos Xabel Blanco, filósofu asturianu afincau en Ciudad Real, va presentar el so ensayu sobre la identidá astur, Casería y Socialismo. Nación asturiana y marxismo nacionalista, el prósimu sábadu 19 de xunetu, a les 21:30h dientro de la programación de Radio Kras na Semana Negra. Esta obra, cola que Glayíu Editorial abre la so coleición Orbayu, dedicada a Asturies y l@s asturian@s, apuesta pola diferenciación de la vocación atlántica asturiana, dixebrada de la mediterráneo-llevantina. Pa ello fae un analís someru de la evolución socioeconómica d´Asturies, caracterizada pol dominiu minifundista del territoriu frente al llatifundismu esclavista peninsular, y propón la recuperación de la autonomía agraria como ún de los preseos necesarios pa llograr la democracia económica, el Socialismo.