Según l’estudiu fecho pol Serviciu Públicu d’Emplegu Estatal nel so informe ’Mercado de Trabajo de los Jóvenes 2007’ Asturies perdió’l 15% de la so población moza (menos de 30 años) en tan solu CINCO AÑOS, siendo nel añu pasau 18.823 mozos y moces los "obligaos" a colar fuera d’Asturies debiu nel mayor númberu de los casos pola falta d’un trabayu dignu n’Asturies.

El Gobiernu asturianu socialista fracasa una vegada más nel so intentu d’amenorgar esta sangría constante de mocedá, la meyor preparada de tolos tiempos y qu’implica que n’Asturies la población seya más mayor. Esta falta de mocedá nel texiu sociollaboral asturianu pue dar la falsa impresión que los niveles de paru n’Asturies van baxando pocu ente pocu, pero la realidá nun ye esa precisamente, ya que los datos nun faen más qu’ocultar el braeru pilancu esistente angúañu n’Asturies, que ye la falta de polítiques actives y de tresformación del texiu sociollaboral asturianu, llendau pol sucursalismu, clientelismu y falta de polítiques qu’impulsen la innovación y el desendolcu de nueos proyeutos, ya que la mayor parte d’estes iniciatives vienen dende la mocedá, que poco ente pocu va esapaeciendo d’Asturies.

El Gobiernu del PSOE, demuestra una vegada más la so incapacidá y falta d’operatividá pa solucionar los pilancos que tien la sociedá asturianu, qu’aparte de no solucionalos intenta suplir la falta de puestos de trabayu, contaminando ainda más Asturies con sus proyeutos de macropuertos, regasificadora, ciclos combinaos y llíneas d’AT faciendo d’Asturies un paraisu pa los especuladores y la contaminación. Mientres tantu la mocedá siguí emigrando porque nun-i queda otru remediu.