Güei a les doce del mediudía fízose pública una denuncia a un policía infiltrau en movimientos sociales, políticos y sindicales que declaró escontra los dos sindicalistes históricos procesados actualmente.
Nes puertes del xulgau de Xixón, Cándido y Morala, dempués de entregar la denuncia ficieron unes declaraciones a los medios.
Los fechos denunciaos sucédense a lo llargo del añu 2001, cuando la CSI, ente otres organizaciones, fleta un autobús pa les movilizaciones antiglobalización.
El policía infiltrau con nome falsu viaxa colos sindicalistes y otros persones, e instiga a estos a protagonizar disturbios.El policía al ver que la xente resalta el carauter no violentu y pacíficu de les movilizaciones decide frayar los cristales de bancos e incluso cabines de teléfono.
Cabe destacar que na denuncia preséntese 15 testigos y dos fotografíes que verifiquen la denuncia realizada.
Resalten los sindicalistes de que el so proceso ye una trama político-social. Y que ye paradóxico que los acusen de violentos cuando el policía infiltrau caracterizábase precisamente polo inusitado de la so violencia. Amás señalen como responsables a la delegación del gobierno.
El Colectivu Editorial Glayíu nun se fai responsable pol material
publicao nesti sitiu, al nun ser lo qu’apaez firmao pol Colectivu
Editorial Glayíu. Tola responsabilidá pa comprobar la
verdá y los derechos de reproducción d’un unviu
correspuenden al autor o autora que lo publica. Al publicar material
nesti sitiu l’autor o autora del unviu asume que pue ser redistribuyíu
con llibertá. Esta publicación ta baxo una llicencia
de Creative Commons.
Sindicar:
