UVIÉU, 26 de Payares (EUROPA PRESS)


La Coordinadora Ecoloxista d'Asturies presentó alegaciones a la planta de coxeneración de 21 Mw alimentada a gas proyectada na cementera d'Aboño, en Carreño, solicitáu per parte de la sociedá mista HC Tudela Generación SL, según informó la Coordinadora al traviés d'una nota prensa.

Los ecoloxistes señalan qu'esa diba ser una nueva isntalación contaminante nel Valle d'Aboño, que yá presenta una elevada contaminación. Recordaron que na Coordinadora lleven tiempu denunciando los "graves problemes ambientales" que xenera la instalación de la cementera y qu'afecta a los vecinos más cercanos poles emisiones del aire y del ruiu que xenera.

Esplicaron que Carreño ye'l conceyu de más concentración industrial d'instalaciones contaminantes d'Asturies. Esta factoría ta a la vera de los vecions d'Aboño, L'Empalme, Albandi y Xibares, que tán a menos de 1.000 metros y non lloñe de los de Perlora, Candás y Xixón.

Al so xuiciu, la nueva planta diba aumentar la mala calidá del aire y les medies previstes nel proyectu resulten escases pa baxar l'impactu de les emisiones al aire, al nun detallase los necesarios estudios de dispersión de contaminantes primarios colos datos meteorolóxicos de los últimos años nuna estación próxima pa xustificar éstos.

Tamién se refirieron a los problemes de contaminación acústica y dixeron que nun s'informó apropiadamente a los vecinos del proyectu previstu d'una planta de coxeneración. "Nun podemos aceptar qu'una planta de producción de cementu que yá tien graves problemes ambientales nel so procesu y que pretende duplicar el so gran tamañu torne nuna planta de producción d'enerxía colos impactos que suponen pa los residentes llenderos estos materiales y los sos tratamientos, too p'abaratar costes a cuenta de la salú de la xente, too pa ganar más de lo que yá ganen", dixeron dende la Coordinadora.