Cola presente convocatoria refugada dende la Delegación del Gobiernu, pa cola concentración prevista pal 20 de payares n´Avilés, comunícase que mañana tendrá llugar una rueda de prensa ente la mesma ilesia onde sedrá l´actu facista, San Nicolás de Bari. Onde varies organizaciones denunciarán de manera pública la permisividá pola parte del delegáu de gobiernu Antonio Trevin, en conceder y da-y llexitimidá al franquisimu pa homenaxear la irracionalidá facista y xenofoba, y per otru lláu desllexitimando y torgando llegalmente una concentración empobinada a sensibilizar los valores antirracistes, antifacistes y poles llibertaes ciudadanes.

Mañana na rueda de prensa, tamién se desconvocará oficialmente l´actu que diba tener llugar esi 20 de payares n´Avilés. Aceutando la incomprensible orde del delegáu del gobiernu, qu´ente otres coses amiesta-y amenaces a la notificación unviada de nun cumplir esi mandatu. Con esto, la Coordinadora Antifacista d´Asturies, fai llegar a la xente que sedrá Avilés a partir del añu que vien l´escenariu de les movilizaciones escontra´l facismu na señalada fecha 20 de payares.