Nesta Asturies del sieglu XXI ye perdifícil falar de música ya industria musical ensin mentar a la SGAE, entidá que tien por xera xestionar y rexistrar los nomaos drechos d’autor nel Estáu Español.

Tampoco se pue escaecer un fenómenu como’l de la nomada “piratería”, fechu denunciao por artistes y pola SGAE y perseguíu poles autoridaes españoles, causando n’abondes ocasiones la persecución y represión del coleutivu inmigrante.

Énte los escesos de la SGAE a fines del pasáu sieglu crearónse los Creative Commons, un tipu de llicencies que da pie a la llibre circulación de la música y onde les restricciones d’autor les pon el propiu creador.

Nesta xornada cuntaremos con defensores de caún de los citaos fenómenos, aldericando sobre cómo apaez too esto dientro de la escena musical asturiana.


> 18.00 Mesa reonda: “SGAE, Piratería y Creative Commons”
Intervienen:

Tori "K-Nalón" (L'Entregu,)
Músicu e Informáticu. Componente del grupu hiphop n'asturiano K-Nalón. Ye defensor del software llibre y les llicencies Creative Commons. Foi protagonista d'un fechu hestóricu al refugar con K-Nalón la so nominación nos premios de la música al ser éstos entamaos pola SGAE.

Pedro Menéndez (Uviéu, 1977)
Periodista. Venceyáu a l’asociación Cambalache, participa na “Ruta contra’l racismo y la represión”, plataforma formada por una veintena d’organizaciones sociales, sindicales y polítiques que defiende los drechos de les persones inmigrantes y denuncia l’acosu policial, institucional y xurídicu que sofren.

Ponente por confirmar

Modera:

David Guardado
(ufiertaremos esta información a lo llargu d'estos díes)

> 21.00 Conciertu Creative Commons: K-Nalón

K-Nalón
(ufiertaremos esta información a lo llargu d'estos díes)

Les dos actividaes van ser nel Centru Social Sestaferia (cai Joaquín Alonso Bonet, Xixón)

La mesa reonda tien una entrada llibre.

El conciertu tien un preciu d’entrada llibre y voluntariu, caún qu’aporte lo que-y pete.