Los soníos hardcore llegaron con fuercia a Asturies nos años 80 y 90, naciendo con él delles bandes qu’algamaríen repercusión dientro y fuera de les nueses llendes.

Fanzines, festivales, conciertos autoxestionaos… formaben parte d’aquella cultura hardcore asturiana.Nos tiempos que cuerren siguen calteniéndose formaciones que, xunto a otres de nueva creación, mantienen viva la escena n’Asturies. Sicasí les formes d’enantes y les vieyes iniciatives camudaron, abriéndose un nuevu marcu pal “Asturies Hardcore”.


> 18.00 Mesa reonda: “Asturies Hardcore: pasáu, presente y futuru”

Intervienen:

Pirri "Escuela de odio" (Llangréu)
Venceyáu al movimientu hardcore dende la so mocedá. Entamó dellos conciertos nel Club Xuvenil de Villa en Llangréu, puxando por dinamizar la escena hardcore na Cuenca'l Nalón. Desendolca la so llabor musical col grupu Escuela de Odio, banda hardcore asturiana con reconocimientu internacional.

Jairo “The Awake”
(ufiertaremos esta información nos siguientes díes)

Sabino Huerta (Grau, 1974)
Miembru fundador de Mercyless, lleva dellos años venceyáu a bandes de la escena hardcore-punk asturiana: Los Cojones de Buda, Intolerance, Núcleo…. Nel branu del añu 2001 funda los KTC Domestic Studios onde trabayó con una montonera grupos del movimientu musical hardcore-punk. Posteriormente funda KTC Domestic Productions, sellu qu’esti añu cellebrará’l so sextu aniversariu.

Modera:
Hugo Calleja “Wito” (Xixón, 1989)
Fundador na so temprana mocedá de grupos hardcore-punk como Insert Koin, A Sangre Fría y State of Lies. Anguañu alcuéntrase en tres bandes actives onde desendolca la llabor de guitarrista: Die hard, Kids of Sewers y Thunderducks. Destaca tamién por collaborar cola xenta qu’entama eventos hardcore n’Asturies- sobre too con xente mozo – y por organizar pela so cuenta conciertos d’esti calter.

> 21.00 Conciertu Hardcore: The Awake + Mercyless

The Awake
(ufiertaremos esta información nos siguientes díes)

Mercyless
Mercyless naz en Grau nel 2001 con excomponentes d’otres formaciones hardcore asturianes. Autodefiníos baxo la etiqueta de ”Asturies Brutal Hardcore” tienen unos testos enllenos de rabia colos que denunciar el sistema impuestu y el so desaniciu de la humanidá. La so trayeutoria, asina como la experiencia de los sos componentes del mundu hardcore asturianu convierte-yos nuna de les bandes referenciales d’esta escena musical dientro les nueses llendes.

Más información:
www.myspace.com/mercylesshc


La mesa reonda va ser nel Centru Social Sestaferia (cai Joaquín Alonso Bunet, Xixón) con entrada llibre.

El conciertu va ser nel Savoy Drinks & Music (cai Pelayo, Xixón) con un preciu d’entrada llibre y voluntariu, caún qu’aporte lo que-y pete.