Nos años 80 l’exposigue mundial del hiphop aporta tímidamente a Asturies. Pasu ente pasu esta cultura al traviés del rap, el break dance y el graffiti va afitándose dientro de les nes nueses llendes.

Anguaño podría dicise que conviven delles corrientes y formes d’entender el hiphop n’Asturies: per un llau la reivindicativa, con lletres combatives y sociales; y pel otru otres corrientes más despolitizaes, de calter convencional y de barriu.

Nesta xornada axúntense tanto na mesa reonda como nel conciertu diferentes protagonistes de caúna de les corrientes del hiphop asturiano.


> 18.00 Mesa reonda: “Hiphop n’Asturies: evolución, rap convencional y rap social”

Intervienen:

Dani Stylo
Testigu direutu del surdimientu y evolución del movimientu hiphop n'Avilés y Asturies. Participó en delles de les manifestaciones del movimientu hiphop y formó parte del grupu Anarquía Positiva. Anguañu sofita la escena hiphop col so estudiu de formación y collabora como DJ con dellos grupos asturianos.


Francisco Carrio “Arma X” (Blimea, 1981)
Conocíu artísticamente como Arma X, Fran ye un destacáu MC de la escena hiphop asturiana. Formó parte de bandes como "2 Cabrones" y "Stoned Atmosphere" y fue miembru de la crew "La Cripta del Ruido". Anguañu desendolca la so llabor musical en solitariu como Arma X.

Ruboh "Unomasuno"
Componente del grupu avilesín Unomasuno, una de les formaciones más destacaes del hiphop asturiano, cabezaleres del hiphop de calter más clásicu fecho dientru d'Asturies.

Modera:

Xandru Pérez “Galán” (Tresona, 1988)
Entamó faciendo hiphop allá pol 2001 de forma casera. Evolucionando col pasu los años pasó del hiphop básicu a facelo con unes lletres sociales y fusionar el rap con otros estilos musicales, conviertiéndolu nel enemigu públicu númberu 1 pa los puristes del hiphop. Destaca tamién por collaborar col mediu de comunicación dixital FNAST.NET y por entamar dellos años en Corvera el “Madreñazu Fest”.


> 21.00 Conciertu Hiphop: Dani Stylo + Galán + Eduakapenn

Dani Stylo
Testigu direutu del surdimientu y evolución del movimientu hiphop n'Avilés y Asturies. Participó en delles de les manifestaciones del movimientu hiphop y formó parte del grupu Anarquía Positiva. Anguañu sofita la escena hiphop col so estudiu de formación y collabora como DJ con dellos grupos asturianos.

Más información:
www.myspace.com/danistylo

Galán
Entama nel 2001 la so andadura musical con un formatu bien distintu al d’anguañu: un micru nel so cuartu col que graba “canallaes” propies de la edá. Tres pasar los años y espublizar un par de maquetes el so soníu va evolucionando, dando llugar a la fusión musical y a un rap más enfocáu en temes sociales.
A partir del 2005 entama a pisar los escenarios de dientru y fuera d’Asturies – anguañu tien cerca de cuarenta conciertos a les sos espaldes -, compartiendo escenariu con destacaos nomes de la escena hiphop, pero tamién del rock asturianu, debido a la so flexibilidá musical y a les sos lletres comprometíes.

Nel 2008 embárcase na grabación del so primer discu “Barriendo pa fuera”, un futuru trabayu nel que toma la música como forma de llucha, fusiona el rap con otros soníos autodefiéndolo “rap-ska-punk” y prepara un direutu basáu na orixinalidá y diversión… demasiada canallada!

Más información:
www.myspace.com/skobarap

Eduakapenn
Eduakapenn entama'l so camín musical va cuantayá nel barriu de Contrueces de Xixón. Con delles mixtapes asoleyaes - munches d'elles distribuyíes llibremente al traviés d'internet - trabaya un rap "convencional" de temátiques cotidianes y de la cai.

Amás nel so llabor de puxar escena hiphop ye'l responsable del sellu Pennproducciones, forma parte del coleutivu CTS Squadra y ye productor pa otros grupos hiphop.

Más información:
www.myspace.com/eduakapenn1


[Les dos actividaes van ser nel llocal L’Ayalga (cai Decano Prendes Pando, Xixón)

La mesa reonda tien una entrada llibre

El conciertu tien un preciu d’entrada llibre y voluntariu, caún qu’aporte lo que-y pete]