L'Arcu la vieya pa Glayíu
¿Cuántu tiempu lleva furrulando?

Nel añu 1997un grupu de persones que participaron n'ún seminariu col tema Globalización y otres que nun fueren pero taben na mesma llucha deciden poner en furrulamientu un proyeutu nel que desarrollar na práutica les idegues y les pallabres. Xorrez L'Arcu la Vieya pa demostrar una vegada más que inclusu dientru d'esti sistema capitalista se puede trabayar, comerciar, lluchar, relacionase,... de otres formes más humanes.

A finales d'esi añu ya táben trabayando el Comerciu Xustu y al entamu del 98 punsieronse toles enerxies nel proyeutu.

El 1 d'abril de 1998 abrió les puertes a la xente. Hores y díes de trabayu, asgaya asamblees (casi n'asambles permanente), coses y coses sobre les que tomar decisiones, charles-presentaciones, nueches de basureo y xente qu'aportó idegues, trabayu, materiales- tool mobiliario y gran perte de los materiales usaos fueron reciclaos de les basures o regalao por delles persones- y los bonos de sofitu colos que n'aportaciones individuales voluntaries llegaron pa les necesidaes económiques básiques y xunto a toles ganes que había, fízose realidá el proyeutu.

¿Cómu se xestiona y cuánta xente forma parte d'esti proyeutu?

L'Arcu la vieya ye un proyeutu asambleriu y abierto a la participación de toles persones que quieran y autoxestionáu col trabayu y sofitu de xente, colectivos y les ventes d'una tienda de Comerciu Xustu que permiten caltener un espaciu llibre pa tol mundu, el Local social.

A parte de la venta de "productos xustos" que otres actividaes fae el coletivu?

El furrulamientu ye por una asamblea abierta a participar a quien-y pete y les decisiones tómense por consenso, -que quier dicir que nun hai naide que s'oponga al tema, si ye asina s'intenta profundizar nel tema, debate, buscar fórmulas diferentes,... hasta alcontrar el consenso si non s´alcuentra dexase pa otra vegada dando tiempu a una reflesión. Esta asamble faese tolos llunes a les 20:30 en l'arcu la vieya.

La idega inicial yera una tienda de comerciu xustu, que sedría el soporte económico del proyeutu y un local social, espaciu abiertu a la participación y al usu a toles persones y colectivos nel local faense delles actividaes diverses: comprometies, diverties, pa deprender, informatives y de sofitos pa otros colectivos como llugar de actividades y reunión.

Nun par de ocasiones intentamos enburriar una asamblea de local social (pensabamos que tenía que furrular independientemente de la asamblea de l'arcu) pa xentionar las actividades el mantenimientu y el contenido de esti espaciu. Pero nun salió, nun supimos o nun pudimos, asina esi trabayu quedo pa l'arcu.

Nel local social s'alncuentra la biblioteca popular que ta compuesta por llibros daos y publicaciones dalgunes tamien donaes, otres munches son del archivu fechu por l'arcu la vieya nestos años mercando un exemplar de toles publicaciones periodiques que se vendían na tienda. To esti material ta a disposición de cualesquier pa consultar ellí nel local o enprestao, y casi siempre encontraras daquien pa una parrafada o tomar un café.

L'arcu la vieya entiende por comerciu xustu una rellación d’intercambiu ente productores y consumidores que nun tea impuesta por intereses económicos, modes o intermediarios ensin escrúpulos, teniendo como meta les rellaciones humanes ente pueblos y persones y el másimu curiáu col Mediu Ambiente nel que vivimo.

¿Qué productos se puen alcontrar? ¿Cualos tienen más exitu?

Na tienda de l'arcu la vieya puedes alcontrar estos productos:
Llibros y discos, la escritura y la música son dos estayes importantes de la expresión cultural de los pueblos. Llibros n’asturianu y castellán de contenía políticu, denuncia, estudiu, lliteratura, campañes y reivindicaciones variaes. Música de discográfiques comprometíes col Folk, el rock, la cultura asturiana y otres realidaes del mundu.
Productos de llimpieza, xabón y detergente realizao a base d’aceite de cocu y palma. Mui concentraos pal so usu disueltu. Colos mínimos productos químicos. Ensin fosfatos nin ablanquiantes, reduciendo enforma l’efeutu contaminante; tamién se recueyen y reutilicen los envases.

Productos de sema ecolóxica. L’agricultura biológica ye una de les pieces fundamentales pa un desarrollu sostenible. Dexando d’usar la química de l’agricultura intensiva y trasxénica, amenórgase la contaminación y la destrucción del agua, l’aire, la tierra y los animales, amás del beneficiu que tien sobre les persones consumir productos de calidá y vivir nun mundu más llimpiu.

Artesanía local El comerciu xustu tien d’empecipiar polo cotidiano y cercano; poro, creyemos necesario tener productos d’artesanía fechos equí. El sofitu mutuu permítemos llevar alantre los nuesos preyeutos.
Productos de comerciu xustu. D’orixe en países aprobetayaos en condicioes llaborales y salariales dignes, promueve la igualad ente sexos, nun permite la explotación infantil y tien en cuenta la realidá cultural y natural de la zona, invierte los beneficios en proyeutos sociales y elimina intermediarios. Una forma de superar el conceutu d’ayuda per aciu de rellaciones comerciales más equitatives.

Papelería ecolóxica. Materiales básicos de papel reciclao. La reutilización del papel y el cartón usao evita la corta de miles d’hectáries de biseca y la contaminación de grandes contidaes d’agua, anque lo más acertao ye reducir el consumu.

Publicaciones. La Kontrainformación comunica, afonda y debate. Los grandes medios de “des-información” empleguen les noticies pa facemos llegar la so política, la so economía y la so moralidá. D’esta miente vamos llegar a pensar toos igual. Kontra’l Pensamiento Únicu, Kontrainformación. Llei, espardi, piensa, actúa y llucha.

Coses de grupos. Los materiales de los grupos, colectivos y preyeutos amuelen les campañes que lleven p’alantre. Espardiéndoles y sofitándoles cuestiónase’l sistema y créase conciencia social.


L'arcu la vieya ta na Cai El Postigu Altu, 14 d'Uviéu, n'Asturies y el teléfonu ye'l 985.21.73.57 y el correo lletrónicu: larculavieya@asturies.org