¿Qué podemos alcontrar dientru de "Conciencia llibre"?

Bueno, temes fechos dende 2003 al 2005, decidimos facer esti recopilatoriu anque los temes ya se podien descargar dende la nuesa web ya fai tiempu, pero habia muncha xente que nos pidia que ficieramos una maketa pa distribuyila perende, pues eso, equí ta Conciencia Llibre.

Habeis autoproducio vuesa maketa y la distribuis llibremente dende la web además d´en conciertos, tiendes/llocales... ¿ye posible trabayar al marxen de la industria? ¿Cómo faceis pa furrular?

Esi ye´l nuesu finxu cimeru. Trabayar al marxen de lo que ye´l mercáu discograficu que ta enllenu de fartones. Anque tengo claro que por sacar un discu "comercial" nun nós va escuchar más xente nin vamos ser meyores. Home la idea ye, colo que vamos sacando coles camisetes, conciertos y les maketes invertilo en material elletrónicu pa dir ameyorando hasta topar el soníu que buscamos. Personalmente a mi prestame grabar en casa Ceeris más qu´en cualquier estudiu, yo soi Old School, anque´l Hip Hop seya un tipu de música relativamente moderno a mi vame muncho´l plan cantautor a la antigua usanza como Victor Jara por exemplu, buena música fecha con pocos medios.

¿Onde podemos facenos cola vuesa maketa?

Tamos buscando pues lo que tu comentes, formes de distribuyila en Chigres, Coleutivos, Movimientos Sociales ... Conciencia Llibre ta acabante salir a la cai y prestarianos ponenos en contautu con xente afayaiza pa distribuyila fuera de la Cuenca. Los puntos de distribución diremos poniendolos na nuesa páxina web. Prestarianos tener puntos afayaizos pa que la merque la xente n´Uviéu, Xixón, Aviles ... Anque la forma más fácil d´escuchala ye descargala de baldre de la nuesa web. Esti ye l´enllaz pa quien-y preste escuchala:

http://www.k-nalon.com/audio/K-NaloN-Conciencia_Llibre.rar

Salú y República
Tori