Les Asturies y el nacionalismu bascu,

nuevu llibru de Xaviel Vilareyo






El nuevu ensayu del escritor Xaviel Vilareyo, tituláu Les Asturies y el nacionalismu bascu, saldrá próximamente al mercáu. Trátase d'un análisis cultural ya históricu de cómo se ve la idea d'Asturies dende'l nacionalismu bascu. Esti nuevu llibru l'autor califícalu de "llibru-bomba", un llibru que fairá restallar más d'una neurona en xente de toles ideoloxíes. Xaviel Vilareyo saca asina al mercáu editorial un nuevu artefactu esplosivu que fairá que pensar y tomar conciencia que vien a sumase a otru éxitu anterior como foi Los ámbitos de la Nación Asturiana. L'ensayu recibió una Mención especial del xurái del Premiu Asturies d'Ensayu 2009 que ganó bruno Gómez.

El xuráu d'esta primer edición tuvo integráu por Xose A. Armayor, Fonsu Fernández Álvarez, Carme Marqués y David M. Rivas, que decidió otorga-y el primer premiu a la obra “Turismu ya identidá nacional”, qu’una vuelta abiertes les pliques resultó ser obra de Bruno Gómez Jiménez. Bruno Gómez Jiménez, (Xixón 1982) ye Técnicu Superior n'animación d'actividaes fisico-deportives y estudiante na Escuela Universitaria de Turismu d'Asturies. Bruno Gómez trabaya como xefe d'animación del complexu turísticu, Las Dunas Camping y Bungaló de Sant Pere Pescador, Xirona, Cataluña y ye animador y guía turísticu de la empresa de viaxes Travelkids del grupu Bestours de Barcelona. Asinamesmo, el xuráu decidió xunitariamente conceder una Mención al ensayu “Les Asturies y el nacionalismu bascu”, de Xaviel Vilareyo y Villamil (Mieres del Camín, 1967). Nel mesmu sen, tanto’l xuráu como la editorial convocante d’esti I Premiu Asturies d’Ensayu felicitaron a tolos participantes polos sos ensayos y pol bon nivel de los nueve trabayos presentaos en total a esta primer edición del Premiu Asturies.