Ta claro que si entamo a escribir esto un 20-N nun va a salir na bueno jaja. Utru añu más ensin pachu, utru añu más ensin el guchu; pero, realmente... ¿Son tantos los cambios como toos esos demócratas cola corría resbalándo-yos pela sonrisa dicen?

Perdonáime si lo dudo o, polo menos, si nun veo tantos como dicen; como espaniol (sólo a efectos llegales) nun veo mui distinta ésta espania del 2010 a aquella de los 60. Val que per enriba sí vemos diferencies. Los gays tienen un día del so arguyu pa morrease delantre la Cibeles, pero matemáticamente siguen llevando palices – y nun sólo físiques- de según qué xente nel restu l’añu.

Lo mesmo colos ideales políticos. De cara a la galería espania ye multicultural, plural, multiétnica y nun se que cuántes pallabres más d’eses progresistes que tanto presten agora. Pero la verdá ye la de siempre; los "distintos" tan confinaos nos arrabales, barros de periferia o ghettos, como vos salga de los coyones llamalo.
Asina que yá tenemos la primera coincidencia; la población sesgá, diferenciá, separá, les dos espanies, la de arriba y la de abaxo, el carné de vagos y maleantes.

Pachu adoraba la copla, prestaba-y la de dios, sofitaba aquel movimientu porque representaba espania. Agora tenemos al queríu Mamoncín, a Tedy Bautista, Vitor Manuel (trésfuga del franquismu) y toa esa panda d’artistes de la SGAE que-y faen el xuegu al nuevu réximen, dando la cara polos sociates pa recibir la "protección" gubernamental. Pa que nun-yos falte nesti casu, yá non de xintar, si non los luxos a los que tan avezaos.
Ésta vien a ser la similitú number two; los "artistes" del partíu, los apadrinaos del poder.

Los enchufes, los "fios de", esto tengo mieu qu’hasta empeorara. Tuve dalgo metíu en política, rollu sindicatu mayoritariu, y ensin entrar en detalles, diré qu’entré en cases de putes con menos meretrices y comedures de polla. Ye muy jevi jeviolo mozos y moces; de la UGT pases a ser conceyal del PSOE, d’ehí quiciabes a l’alcaldía d’un pueblín de la cuenca y d’ehí a que naide que sea familiar o collaciu pase fame ni apuros económicos. Si pases pol aru y chupes cuando toca arréglente la vida nun chasquíu deos.

Les condiciones llaborales meyoraron pa los autóctonos un poco, a costa d’ofrecer curros infrahumanos a los probes inmigrantes que vienen a buscase el pan a la tierra la pandereta. Los sindicatos poco disten de los verticales d’aquella época, faciendo ellos los tratos a costa de meyorar como institución dexando la salú y los derechos del trabayaor en segundu planu. Sigue faciéndome muncha gracia ver a Justo y a Antonio lliderando les manis pa que naide cobre menos de mil euros cuando ellos se llevanten, nun se, 7 veces más cada putu mes.

La seguridá social ye la mayor casa putes del país: llistes pa especialistes con 4 meses d’espera nel meyor de los casos, médicos incompetentes pa nada motivaos coles miseries que cobren y una infraestructura más propia del Madrid del siglu XVI que del 2010 que yá ta ehí. Ésta ye otra de les coses que por desgracia me toquen de cerca y se de lo que falo, sólo vos deseo que nun tengáis nunca que dir a facer pruebes pa nada porque paez la prueba aquella d’Asterix y Obélix que teníen que conseguir un papel pa siguir palantre.

La diversidá política, gracies en parte a como entró Aznar nel xuegu, ye más propia de Centro África que d’un país Europeu. El día menos pensáu vamos ver a unos y a otros a machetezos nel parlamentu. Nun se, a lo meyor ye lo que facia falta. Muncha xente queremos una República, pero nun vemos el mayor problema d’esto, que nun ye otru que pa qu’una República furrule, a parte de que la xente tien que querelo, ye que los políticos puedan dialogar ente ellos pa facela sostenible, y tal y como tan les coses ni en dónde poner les máquines d’agua diben ponese d’alcuerdu.

Les llingües, salvo l’euskera y el catalán porque hai demasiaos intereses centralonos, tan igual de mal vistes que nel franquismo, tachando de paletos a los que les usen. Acoyonante, qu’un guah.e de Sama o de Blimea me venga con acentu sudamericanu porque mola más. Nun tengo na a la escontra los disminuyíos mentales, pero hai que ser subnormal pa dir asina pola vida. Nun se, nun creo qu’haiga muncho qu’esplicar de esto, paezme absurdo enumerar lo que plantea renegar de los tos oríxenes. Nun quiero ser racista ni muncho menos, tengo collacios de tolos collores y alliniaciones, pero paezme una falta respetu pa tí mesmu y pa los tos antepasaos facete pasar por dalgo que nun yes. Pasó colos polacos cuando los alemanes tomaron Varsovia, que yeren más nazis que los propios nazis; pues equí los guah.es son más gangueros que los puertoriqueños del regeton que ven por vidios nel youtube.

Socialmente una inmensa mayoría de xente ta igual d’aborregá qu’enantes. Siguen riéndose de lo nuevu o distintu como facíen enantes, flipando col real mandril y suañando con un mundial de la selección española. Siguen habiendo corríes de toros, los toreros siguen tan analfabetos o más qu’enantes, los faches igual de faches y los roxos bueno... según qué xente entorpez más de lo qu’ayuda.

Asina que feliz 20-n, fecha señalá onde Pachu pasó de ser una persona física a tar dientro d’un buen puñau de españolonos.

Pa tolo demás ponéis el programa de Fede.

Arma X
Paz