Seis despedíos de Parques y xardinos d’Uviéu acampaos nel Campu San Francisco

3 de avientu de 2012 DE 2012 • Glayiu

6 trabayadores despidíos de la UTE Absa-Perica, contrata dependiente de FCC que s’encarga del caltenimientu de parques y xardinos n’Uviéu, tan acampaos nel céntricu campu San Francisco en señal de protesta.

Dende’l pasáu vienres 23 de payares seis trabayadores despidíos de la UTE Absa-Perica, la contrata dependiente de FCC (Fomento Construcciones y Contrates) que s’encarga del caltenimientu de los parques y xardinos de la ciudá d’Uviéu, acamparon nel céntricu Campu San Francisco en señal de protesta. Ónde tienen cuenta de permanecer hasta llograr una solución.

Los trabayaores acampaos, siéntense sofitaos polos compañeros y pola ciudadanía uviéina, y aseguren que seguirán cola acampada y les protestes hasta consiguir les sos demandes.
El respaldu de los sos compañeros y del comité d’empresa se fizo visible na pasada xornada de fuelga que llevaron acabo’l pasau 29 de payares, y aseguren que de nun solucionase’l conflictu, llevaren acabo paros de dos hores tolos miércoles y vienres, siquier hasta’l 26 d’avientu.

Marcos Andrés, unu de los 6 despidíos comentaba «nun pueden xustificar los despidos por motivos de productividá, cuando agora mesmu hai trabayaores faciendo hores extra pa instalar el Belén de la plaza La Catedral»

Los trabayaores acampaos tamién tán llevando acabo una campaña de recoyida de firmes, na que cualquier ciudadanu puede sofitar roblando nel "campamentu base" del Campu San Francisco.

DOCUMENTOS