1º de Mayu

30 de abril de 2014 DE 2014 • Glayiu

CSI, CGT y SUATEA llamen a salir a la cai esti Primeru de Mayu contra la europa del capital, a les 12:30 na Plaza L’Humedal de Xixón, pola so parte la CNT asturiana vuelve a La Felguera, localidá de raigón anarcosindicalista y proletaria, escenariu de les principales lluches del anarquismu n’Asturies. Y FUSOA monta so tradicional folixa nel CS Sestaferia.

CSI, CGT y SUATEA

Manifestación el xueves 1 de Mayu a les 12:30 na Plaza L’Humedal de Xixón

Esti Primeru Mayu tenemos de faer ver la fuerza del sindicalismu de clas y asambleariu de Asturies. Los y les trabayadores tenemos de demosar na cai que queremos un sindicalismu estremáu, nel que síamos nós quien tomemos les decisiones, ensin vender los nuesos puestos de trabayu, ensin aceutar más despidos nin más paraos nin paraes nin más pieslles d’empresa. Un sindicalismu ensin claudicaciones, ensin corrupción y ensin traiciones. Un sindicalismu que defenda los derechos de la clas obrera y nun apaute nin cola Troika nin colos sos gobiernos.

¡CONTRA LA EUROPA’L CAPITAL!. FUERA LA TROIKA!.¡NON AL PAGU LA DELDA!

¡NIN MÁS PARU NIN MÁS DESPIDOS NIN MÁS PIESLLES D’EMPRESA N’ASTURIES!.

CNT

MITIN Y MANIFESTACIÓN (xueves 1 de mayu, a partir de les 12:00 h., nel Parque Vieyo de La Felguera): van participar el Secretariu de Prensa del Comité Rexonal, presentando l’actu; una compañera de Xixón y miembros del grupu anarquista asturianu Higinio Carrocera, que van lleer un manifiestu. De siguío va realizase una manifestación col siguiente percorríu: parque Dolores F. Duru (Parque Vieyo), cai Pedro Duru, cai Melquiades Álvarez, cai Norte, cai Inventor La Venada, cai El Llugarín, cai Manuel Suárez, cai Gregorio Aurre y llegada de nueu al parque Dolores F. Duru.

COMIDA (xueves 1 de mayu, a partir de les 15:00 h., na Casa del Pueblu de Candás)

UFRIENDA FLORAL (xueves 1 de mayu, a partir de les 18:00 h., nel Prau del Faru de Candás).

FUSOA

XII Folixa del FUSOA: @Antistailo, fabes, arroz y bébora. Dempués de la manifestación de Xixón nel CS Sestaferia.