14F: los sindicatos de clase convoquen una manifestación escontra la represión

CSI, CGT, CNT y SUATEA llamen a movilizase “frente a la represión al movimientu obreru y pola llibertá sindical”.

14 de febreru de 2013 DE 2013 • Glayiu

El xueves 14 de febreru los sindicatos de clase asturianos CSI, CGT, CNT y SUATEA entamen una movilización “frente a la represión sindical”. La iniciativa parte de la CNT de Xixón, en solidaridá col xuiciu que van tener dos militantes anarcosindicalistes de Logroño pa los que piden seis y siete años de prisión por fechos venceyaos a la fuelga xeneral del 14P. “Queríamos continuar colo xunidá d’acción de la última fuelga xeneral, cuando fuimos a Comisaría y consiguimos la lliberación de los deteníos cola movilización popular, o la Selmana de Llucha social qu’entamó la Corriente”, diz Pedro P. Bazán, voceru de CNT-Xixón. Paco, voceru de la Executiva de la Corriente SIndical d’Izquierda, afita lo dicho por Bazán: "La represión esiste por algo. Tán recortándose los derechos adquiríos, pero tamién tán atentando contra los derechos básicos de les persones. Ante eso la clase obrera ta dando respuesta, en dos vertientes. La de los sindicatos que pacten y son parte del entramáu del sistema y del capitalismu; y la de los sindicatos combativos que nun tienen enfotu nengún en sentase a negociar recortes col gobiernu".

El xueves 14 de febreru los sindicatos de clase asturianos entamen una movilización “frente a la represión sindical”. La iniciativa parte de la CNT de Xixón, en solidaridá col xuiciu que van tener dos militantes anarcosindicalistes de Logroño pa los que piden seis y siete años de prisión por fechos venceyaos a la fuelga xeneral del 14P. La fiscalía logroñesa presentó una acusación calcada al informe policial del día de la denuncia, acusando a los procesaos de atentáu escontra l’autoridá y desórdenes públicos. “Queríamos continuar colo xunidá d’acción de la última fuelga xeneral, cuando fuimos a Comisaría y consiguimos la lliberación de los deteníos cola movilización popular, o la Selmana de Llucha social qu’entamó la Corriente”, diz Pedro P. Bazán, voceru de CNT-Xixón. “Pa nosotros nun hai llibertá sindical; cuando una empresa decátase de que los sus trabayadores tán afiliaos a la CNT, échenlos de secute. Nun pueden llegalizar les sos secciones. Por eso convocamos una movilización ‘contra la represión y pola llibertá sindical’. Queremos diferenciar lo que ye acción sindical de verdá de lo que faen les ’empreses de servicios a los trabayadores’, como CC.OO. y UGT, coles sus aseguradores y axencies de viaxes. Nosotros somos los que bramente sufrimos represion sindical” diz Bazán. Los fechos que lleven a entamar esta movilización ye la detención de los dos compañeros de La Rioxa, pero ello tenemos que lo encadarmar cola represión que sufren tolos sindicatos combativos nel Estáu. La manera que tienen les autoridaes de tratar de frayar la llucha sindical ye tamién dilatar nel tiempu les acusaciones. Asina, meses depués de los fechos lléguennos multes de miles d’euros por pegar un cartelu, por poner una mesa informativa, o por participar nun piquete que foi tou un ésitu".

JPEG - 469.9 KB

Paco, voceru de la Executiva de la Corriente SIndical d’Izquierda, afita lo dicho por Bazán: "En tiempos como anguaño hai qu’enmarcar la represión nun contestu: la represión esiste por algo. Tán recortándose los derechos adquiríos, pero tamién tán atentando contra los derechos básicos de les persones: a la alimentación, a la vivienda, a la educación. Ante eso la clase obrera ta dando respuesta, en dos vertientes. La de los sindicatos que pacten y son parte del entramáu del sistema y del capitalismu, y la de los sindicatos combativos que nun tienen enfotu nengún en sentase a negociar recortes col gobiernu. Poro la represión cébase en sindicatos como los que convocamos la movilización del xueves 14F. Los que tuvimos activos durante la xornada de fuelga y los que mantenemos el pulsu na cai de la movilización social".

DOCUMENTOS